തിരുവനന്തപുരം: ആഗോള അയ്യപ്പസംഗമത്തിലേക്ക് കേന്ദ്രമന്ത്രി സുരേഷ് ഗോപിക്ക് ക്ഷണം. തിരുവിതാംകൂര് ദേവസ്വം ബോര്ഡ് പ്രസിഡന്റ് പിഎസ് പ്രശാന്ത് മന്ത്രിയുടെ വസതിയിലെത്തിയാണ് ക്ഷണിച്ചത്.
ദക്ഷിണേന്ത്യയില് സംഘടിപ്പിക്കുന്ന ഏറ്റവും വലിയ ഭക്തജന സംഗമം ഈ മാസം ഇരുപതിന് പമ്പാ തീരത്താണ് നടക്കുന്നത്. മുഖ്യമന്ത്രി പിണറായി വിജയനാണ് ഉദ്ഘാടകന്. കര്ണാടക, തെലങ്കാന സംസ്ഥാനങ്ങളിലെ മന്ത്രിമാര്, കേരളത്തിലെ കേന്ദ്ര മന്ത്രിമാര്, പങ്കെടുത്തേക്കും.
അയ്യപ്പ സംഗമത്തില് വ്യവസ്ഥകളോടെയാണ് പ്രവേശനം. പങ്കെടുക്കുന്നവര് മൂന്ന് വര്ഷത്തിനിടെ കുറഞ്ഞത് രണ്ട് പ്രാവശ്യം ദര്ശനം നടത്തിയിരിക്കണം. ശബരിമല വെര്ച്ചല് ക്യൂ പോര്ട്ടലില് രജിസ്റ്റര് ചെയ്തവരെ മാത്രമേ പരിഗണിക്കൂകയുള്ളു. 500 വിദേശ പ്രതിനിധികള്ക്കും ക്ഷണമുണ്ട്.
