കൊച്ചി: മഞ്ഞുമ്മല് ബോയ്സ് സാമ്ബത്തിക തട്ടിപ്പ് കേസില് നടൻ സൗബിൻ ഷാഹിർ അറസ്റ്റില്. ബാബു ഷാഹിർ, ഷോണ് ആന്റണി എന്നിവരുടെയും അറസ്റ്റ് രേഖപ്പെടുത്തി.
രണ്ടാം ദിനത്തിലെ ചോദ്യം ചെയ്യലിന് പിന്നാലെയാണ് മരട് പൊലീസിന്റെ നടപടി. മൂന്ന് പേരെയും ജാമ്യത്തില് വിട്ടയക്കും. ഹൈക്കോടതി നേരത്തെ പ്രതികള്ക്ക് മുൻകൂർ ജാമ്യം അനുവദിച്ചിരുന്നു.
സൗബിന് ഉള്പ്പടെയുള്ളവർ കേസിൻ്റെ ഭാഗമായി മരട് പൊലീസ് സ്റ്റേഷനില് ചോദ്യം ചെയ്യലിന് ഹാജരായിരുന്നു. സിനിമയുടെ ലാഭവിഹിതം നല്കാന് താന് തയ്യാറാണെന്നും അതിനായി താന് പണം മാറ്റി വച്ചിട്ടുണ്ടെന്നും ചോദ്യം ചെയ്യലിനെത്തിയ സൗബിൻ മാധ്യമങ്ങളോട് പ്രതികരിച്ചിരുന്നു.
