ന്യൂഡല്ഹി: യെമനില് വധശിക്ഷയ്ക്ക് വിധിക്കപ്പെട്ട് ജയിലില് കഴിയുന്ന നിമിഷപ്രിയയുടെ മോചനം പ്രതിസന്ധിയില്. നിമിഷപ്രിയയുടെ മോചനവുമായി ബന്ധപ്പെട്ട് പ്രവര്ത്തിക്കുന്ന സേവ് നിമിഷപ്രിയ ആക്ഷന് കൗണ്സില് പ്രവര്ത്തനം നിര്ത്തുമെന്ന് അറിയിച്ചതോടെയാണിത്.
കെ എ പോളിനെപ്പോലെയുള്ളവര്ക്കൊപ്പം കുടുംബം നില്ക്കുന്ന സാഹചര്യത്തില് മുന്നോട്ടുപോകേണ്ടതില്ല എന്നതാണ് ധാരണ. കാന്തപുരവുമായി ചര്ച്ച നടത്തി ആക്ഷന് കൗണ്സില് പ്രവര്ത്തനം പൂര്ണമായി നിര്ത്തുന്നതിനെ കുറിച്ച് തീരുമാനിക്കുമെന്ന് ആക്ഷന് കൗണ്സില് ലീഗല് അഡ്വൈസറും സുപ്രീംകോടതിയിലെ മുതിര്ന്ന അഭിഭാഷകനുമായ അഡ്വ. സുഭാഷ് ചന്ദ്രന് പറഞ്ഞു.
വധശിക്ഷ നീട്ടിവെച്ച സാഹചര്യമുള്ളതിനാല് ഇനി ഇടപേണ്ടത് കേന്ദ്ര വിദേശകാര്യ മന്ത്രാലയമാണെന്നാണ് കാന്തപുരത്തിന്റെ നിലപാട്.
