തിരുവനന്തപുരം: കേന്ദ്രസര്ക്കാര് നയങ്ങള്ക്കെതിരേ സംയുക്ത ട്രേഡ് യൂണിയന് സമിതി ആഹ്വാനംചെയ്ത 24 മണിക്കൂര് ദേശീയ പണിമുടക്കിനെതിരെ വിമര്ശനവുമായി കോണ്ഗ്രസ് നേതാവും എംപിയുമായ ശശി തരൂര്.
ഇന്നത്തെ ‘ഭാരത് ബന്ദ്’ യഥാര്ഥത്തില് മറ്റൊരു ‘കേരള ബന്ദ്’ മാത്രമായി ഒതുങ്ങി എന്നത് ഖേദകരമായ ഒരു വൈരുദ്ധ്യമാണെന്ന് തരൂര് പറഞ്ഞു. ഇന്ത്യയുടെ മറ്റു ഭാഗങ്ങള് ഇത്തരം നിര്ബന്ധിത തടസ്സപ്പെടുത്തലുകള്ക്ക് അപ്പുറത്തേക്ക് വളര്ന്നപ്പോള്, അസംഘടിതരായ ഭൂരിപക്ഷത്തിന് മേല് സംഘടിത ന്യൂനപക്ഷം നടത്തുന്ന ഈ അതിക്രമത്തിന് മുന്നില് കേരളം മാത്രം ഇപ്പോഴും ബന്ദിയാക്കപ്പെട്ടിരിക്കുകയാണെന്ന് അദ്ദേഹം ഫെയ്സ്ബുക്കില് കുറിച്ചു
