കാരക്കസ്: വടക്കന് അറ്റ്ലാന്റിക് സമുദ്രത്തില് യുഎസ് പിടിച്ചെടുത്ത റഷ്യന് പതാകയുള്ള വെനസ്വേലയുടെ എണ്ണക്കപ്പലില് 3 ഇന്ത്യക്കാരുണ്ടെന്ന് റിപ്പോര്ട്ട്. റഷ്യന് അന്തര്വാഹിനിയുടെ അകമ്പടിയില് പോയ ‘മറിനേര’ എന്ന എണ്ണക്കപ്പലാണ് യുഎസ് പിടിച്ചെടുത്തത്. ആറു ജോര്ജിയന് സ്വദേശികള്, 17 യുക്രൈന് സ്വദേശികള്, മൂന്നു ഇന്ത്യക്കാര്, രണ്ടു റഷ്യക്കാര് എന്നിവരടക്കം 28 ജീവനക്കാരാണ് കപ്പലിലുള്ളത്.
വെനസ്വേലയില്നിന്ന് എണ്ണ കടത്തുകയാണെന്നാരോപിച്ച് യുഎസ് സൈന്യം കപ്പല് പിടിച്ചെടുത്തത്. ആഴ്ചകളോളം കപ്പലിനെ പിന്തുടര്ന്ന ശേഷമായിരുന്നു നടപടി. യുഎസ് ഉപരോധം ലംഘിച്ച് എണ്ണവ്യാപാരം നടത്തിയ വെനസ്വേല കപ്പലിനുവേണ്ടി അറ്റ്ലാന്റിക് സമുദ്രത്തില് യുഎസ് സൈന്യം യൂറോപ്യന് കമാന്ഡ് രണ്ടാഴ്ചയിലേറെയായി തുടരുന്ന തിരച്ചിലിനൊടുവിലാണു നടപടി.
