തിരുവനന്തപുരം: കേരളത്തില് പകല് സമയത്തെ കടുത്ത ചൂടില് നിന്ന് ആശ്വാസമേകി വൈകുന്നേരങ്ങളില് ഇന്നും നാളെയും ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്.
ഇടിമിന്നല് അപകടകാരികളാണ്. അതിനാല് ജാഗ്രത പാലിക്കണമെന്നും മുന്നറിയിപ്പില് പറയുന്നു.
അതിനിടെ പകല് സമയത്ത് ഉയര്ന്ന താപനില മുന്നറിയിപ്പും കാലാവസ്ഥ വകുപ്പ് നല്കിയിട്ടുണ്ട്. ചൊവ്വാഴ്ച വരെയാണ് ജാഗ്രതാ നിര്ദേശം നല്കിയത്.
ഈ ദിവസങ്ങളില് കൊല്ലം, പാലക്കാട്, കോഴിക്കോട്, കാസര്കോട് ജില്ലകളില് ഉയര്ന്ന താപനില 38 °C വരെയും ആലപ്പുഴ, കോട്ടയം, എറണാകുളം, തൃശൂര്, കണ്ണൂര് ജില്ലകളില് 37°C വരെയും രേഖപ്പെടുത്താന് സാധ്യതയുണ്ട്. പത്തനംതിട്ട ജില്ലയില് ഉയര്ന്ന താപനില 36°C വരെ ഉയരുമെന്നുമാണ് കാലാവസ്ഥ വകുപ്പിന്റെ പ്രവചനം.
