കൊല്ലത്ത് ഓച്ചിറയ്ക്കടുത്ത് സ്ത്രീധനത്തിന്റെ പേരില് ഗര്ഭിണിയായ യുവതിയെ ഭര്തൃവീട്ടുകാര് മര്ദിച്ചതായി പരാതി.
അഴീക്കല് സ്വദേശി അക്ഷയയ്ക്കാണ് മര്ദനമേറ്റത്. മുഖത്തും ശരീരത്തിലും പരുക്കേറ്റ യുവതിയെ ആശുപത്രിയില് പ്രവേശിപ്പിച്ചു. ഗര്ഭം അലസിപ്പിക്കാന് ഭര്ത്താവ് അടിവയറ്റില് ചവിട്ടിയെന്നും യുവതി പറഞ്ഞു.
എട്ട് മാസം മുന്പാണ് അക്ഷയയുടെ വിവാഹം നടന്നത്. 28 പവന് സ്വര്ണവും 11 ലക്ഷം രൂപയുമാണ് വിവാഹത്തോട് അനുബന്ധിച്ച് വീട്ടുകാര് സിആര്പിഎഫ് ജവാനായ വരന് നല്കിയത്.
നല്കിയ സ്ത്രീധനം കുറഞ്ഞുപോയെന്നതിന്റെ പേരില് വിവാഹം കഴിഞ്ഞ് മൂന്നാം നാള് മുതല് താന് ഭര്തൃവീട്ടില് മാനസിക, ശാരീരിക പീഡനങ്ങള് സഹിക്കുകയാണെന്നാണ് യുവതിയുടെ വെളിപ്പെടുത്തല്.
