കോഴിക്കോട്: യുവതിയെ പ്രണയം നടിച്ച് പീഡിപ്പിക്കുകയും ദൃശ്യങ്ങള് മൊബൈല് ഫോണില് പകര്ത്തി ഭീഷണിപ്പെടുത്തുകയും ചെയ്ത സംഭവത്തില് ബസ് ജീവനക്കാരന് പിടിയില്. കോഴിക്കോട് മാറാട് അരക്കിണര് സ്വദേശി ആയ ആലപ്പാട്ട് വീട്ടില് ശബരീനാഥിനെ(24)യാണ് മെഡിക്കല് കോളേജ് പോലീസ് അറസ്റ്റ് ചെയ്തത്. മലപ്പുറം സ്വദേശിനി ആയ യുവതി ആണ് പീഡനത്തിന് ഇരയായത്.
സ്വകാര്യ ബസ് ജീവനക്കാരനായ ശബരീനാഥന് യുവതിയെ സ്നേഹം നടിച്ച് വശീകരിക്കുകയായിരുന്നു. കഴിഞ്ഞ ഏപ്രില് മൂന്നിന് യുവതിയുമൊത്ത് കോഴിക്കോട് മെഡിക്കല് കോളേജ് പരിസരത്തുള്ള ലോഡ്ജില് എത്തിയ ഇയാള് നിര്ബന്ധിച്ച് ശാരീരിക ബന്ധത്തില് ഏര്പ്പെടുകയായിരുന്നു.
യുവതിയുടെ നഗ്ന ദൃശ്യങ്ങള് മൊബൈല് ഫോണില് പകര്ത്തുകയും ചെയ്തു. ദൃശ്യങ്ങള് സാമൂഹ്യമാധ്യമങ്ങളില് പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തി വീണ്ടും യുവതിയെ സമാനരീതിയില് പീഡിപ്പിച്ചുവെന്നാണ് ലഭിക്കുന്ന വിവരം.
