കൊല്ലം: നീണ്ടകര കോസ്റ്റൽ പൊലീസ് സ്റ്റേഷനിൽ പൊലീസുകാരിക്ക് നേരെ പൊലീസുകാരൻ്റെ അതിക്രമം.
ആറാം തീയതി പുലർച്ചെ പാറാവ് ജോലിക്ക് ശേഷം വിശ്രമ മുറിയിലേക്ക് പോയ പൊലീസുകാരിക്ക് നേരെയാണ് അതിക്രമം ഉണ്ടായത്. സീനിയർ സിപിഒ നവാസ് ആണ് അതിക്രമം നടത്തിയത്.
പൊലീസുകാരി സിറ്റി പൊലീസ് കമ്മീഷണർക്ക് പരാതി നൽകിയതിന് പിന്നാലെ ചവറ സ്വദേശിയായ സിപിഒ നവാസിനെതിരെ സ്ത്രീത്വത്തെ അപമാനിച്ചതിന് ചവറ പൊലീസ് കേസെടുത്തു.
ഡെപ്യൂട്ടേഷനിൽ നീണ്ടകര കോസ്റ്റൽ പൊലീസ് സ്റ്റേഷനിലേക്ക് ഡ്യൂട്ടിക്ക് എത്തിയതായിരുന്നു നവാസ്. ഡ്യൂട്ടി കഴിഞ്ഞ് വിശ്രമമുറിയിലേക്ക് പോകുന്ന സമയത്ത് ഇയാൾ മോശമായി പെരുമാറുകയും കടന്ന് പിടിക്കുകയും ചെയ്തു എന്നാണ് പരാതി.
