തൃശൂർ: പാലിയേക്കര പ്ലാസയില് പൊലീസ് ഉദ്യോഗസ്ഥനെ ആക്രമിച്ച കേസില് സോഷ്യല് മീഡിയ ഇൻഫ്ലുവെൻസർ പിടിയില്. തൃശൂർ വരന്തരപ്പിള്ളി സ്വദേശി രേവന്ത് ബാബുവാണ് പിടിയിലായത്. ഇന്നലെ രാത്രിയാണ് ഇയാള് പൊലീസ് ഉദ്യോഗസ്ഥനെ ആക്രമിച്ചത്.
ചൊവ്വാഴ്ച രാത്രിയോടെ ടോള് പ്ലാസയില് എത്തിയ ഇയാള് ബാരിക്കേഡ് ഉയർത്തി വാഹനങ്ങള് കടത്തി വിടുകയായിരുന്നു. പോകാത്ത വാഹനങ്ങളുടെ താക്കോലും രേവന്ത് ഊരിയെടുത്തു. വിവരമറിഞ്ഞ സ്ഥലത്തെത്തിയ പൊലീസ് ഉദ്യോഗസ്ഥനെയാണ് രേവന്ത് ആക്രമിച്ചത്.
തടയാൻ ശ്രമിച്ച പൊലീസുകാരൻ്റെ തലയ്ക്ക് പരിക്കേല്പ്പിക്കുകയായിരുന്നു. സംഭവത്തില് പുതുക്കാട് പൊലീസ് രേവന്തിനെ കസ്റ്റഡിയിലെടുത്തു.
