തിരുവനന്തപുരം : വിരട്ടലുമായി ഇങ്ങോട്ടു വരേണ്ടതില്ലെന്ന് ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖറിന് മുഖ്യമന്ത്രി പിണറായി വിജയന്റെ മറുപടി. ആഗോള അയ്യപ്പ സംഗമം സര്ക്കാര് പരിപാടിയല്ല.
തിരുവിതാംകൂര് ദേവസ്വം ബോര്ഡ് ജൂബിലി ആഘോഷത്തിന്റെ ഭാഗമായി അവര് നിശ്ചയിച്ചതാണ് ആഗോള അയ്യപ്പ സംഗമം നടത്താമെന്നത്. ഇതിനെ രാഷ്ട്രീയമായി കാണേണ്ടതല്ല. ആരാധനയുടെ ഭാഗമായി കാണേണ്ടതാണ്. സര്ക്കാരിന്റെ പരിപാടിയല്ല.
ദേവസ്വം ബോര്ഡിന്റെ പരിപാടിയാണത്. ഇത്തരം കാര്യങ്ങള്ക്ക് സര്ക്കാര് സഹായം ചെയ്യാറുണ്ട്. അതല്ലാതെ മറ്റൊരു കാര്യവും സര്ക്കാരിനില്ലെന്ന് മുഖ്യമന്ത്രി പറഞ്ഞു
