ആലപ്പുഴ: പാര്ട്ടിയുമായി ഇടഞ്ഞു നില്ക്കുന്ന മുതിര്ന്ന നേതാവ് ജി സുധാരനെ അനുനയിപ്പിക്കാനുള്ള ശ്രമം തുടര്ന്ന് സിപിഐഎം. എന്നാല് പാര്ട്ടി അംഗത്വം പുതുക്കാനില്ലെന്ന നിലപാടില് ഉറച്ചുനില്ക്കുകയാണ് ജി സുധാകരന്.
ഇന്ന് ജില്ലയിലെത്തുന്ന മുഖ്യമന്ത്രി പിണറായി വിജയന് ജി സുധാകരനെ നേരില് കാണുമോ എന്നതിലാണ് ആകാംക്ഷ. പെരുമ്പളം പാലം ഉദ്ഘാടന ചടങ്ങില് സുധാകരനെ ക്ഷണിച്ചിട്ടുണ്ടെങ്കിലും ആരോഗ്യപ്രശ്നങ്ങള് ഉള്ളതിനാല് ചടങ്ങിലേക്ക് എത്തില്ല. പോസ്റ്ററില് ജി സുധാകരന്റെ ഫോട്ടോയും ഉള്പ്പെടുത്തിയിട്ടുണ്ട്.
