ഫാഷൻ പരീക്ഷണങ്ങളിലൂടെ സ്ഥിരം ചർച്ചയായ പേരാണ് നടി പാർവതി തിരുവോത്ത്. അഭിനയത്തിലെ മികവിനൊപ്പം വ്യക്തിത്വത്തിലും സ്റ്റൈലിലും താരം പ്രത്യേക ശ്രദ്ധ നൽകാറുണ്ട്.
സൈബറിടങ്ങളിലും താരത്തിന് വലിയൊരു ആരാധകവൃന്ദമുണ്ട്. ഇപ്പോഴിതാ, താരത്തിന്റെ പുതിയ മേക്കോവർ ചിത്രങ്ങളാണ് സൈബറിടങ്ങളിൽ വൈറലാകുന്നത്. പാർവതി ഇൻസ്റ്റാഗ്രാമിൽ പങ്കുവെച്ച പുതിയ മേക്കോവർ ചിത്രങ്ങൾ ആരാധകർ ഏറ്റെടുത്തുകഴിഞ്ഞു.
സ്റ്റൈലിഷ് ഹെയർകട്ടും മോഡേൺ ലുക്കുമാണ് ഈ ചിത്രങ്ങളിൽ കാണുന്നത്. പാർവതിയുടെ ആത്മവിശ്വാസമുള്ള അവതരണം ആരാധകർ പ്രശംസയോടെയാണ് സ്വീകരിച്ചത്. “ക്യാരക്ടർ ഷിഫ്റ്റ് ലുക്ക്!” എന്ന രീതിയിൽ കമന്റുകൾ നിറയുകയാണ് താരം പങ്കുവെച്ച പോസ്റ്റിന് കീഴിൽ.
അഭിനയത്തിലൂടെ ശക്തമായ സ്ത്രീകഥാപാത്രങ്ങളെ അവതരിപ്പിച്ചിട്ടുള്ള പാർവതി, സാമൂഹിക വിഷയങ്ങളിൽ വ്യക്തമായ നിലപാടുകൾ എടുക്കുന്ന താരമെന്ന നിലയിലും മലയാള സിനിമയിൽ ശ്രദ്ധേയയാണ്. അവസാനമായി ബസാർ ഇന്ത്യയുടെ ‘വുമൺ ഓഫ് ദി ഇയർ 2025’ അവാർഡ് ദാനച്ചടങ്ങിൽ പാർവതി ധരിച്ച സ്റ്റൈലിഷ് ഔട്ട്ഫിറ്റ് മാധ്യമങ്ങൾ റിപ്പോർട്ട് ചെയ്തിരുന്നു.
