പാലക്കാട്: പാലക്കാടുള്ള ഫ്ലാറ്റില് നിന്ന് ഒഴിയാന് രാഹുല് മാങ്കൂട്ടത്തിലിന് അസോസിയേഷന്റെ നോട്ടീസ്. ഈ മാസം 25നകം ഒഴിയണമെന്നാണ് നിര്ദേശം.
ഫ്ലാറ്റില് താമസിക്കുന്ന മറ്റുള്ളവര്ക്ക് ബുദ്ധിമുട്ടാകുന്നു എന്ന് ചൂണ്ടിക്കാട്ടിയാണ് അസോസിയേഷന് നോട്ടീസ് നല്കിയത്. ഉടന് ഒഴിയാമെന്ന് രാഹുല് അറിയിച്ചതായാണ് ലഭ്യമാകുന്ന വിവരങ്ങള്.
രാഹുല് മാങ്കൂട്ടത്തിലിനെതിരായ ബലാത്സംഗ കേസില് വിവിധ തെളിവ് ശേഖരണത്തിനും മറ്റ് പരിശോധനകള്ക്കുമായി അന്വേഷണ ഉദ്യോഗസ്ഥര് ഈ ഫ്ലാറ്റിലെത്തിയിരുന്നു.
ഇതേതുടര്ന്ന് അവിടെ താമസിക്കുന്നവര്ക്കുണ്ടായ ബുദ്ധിമുട്ട് അറിയിച്ചുകൊണ്ടാണ് രാഹുലിനോട് ഫ്ലാറ്റ് ഒഴിയാന് നിര്ദേശം നല്കിക്കൊണ്ട് അസോസിയേഷന് നോട്ടീസ് നല്കിയിരിക്കുന്നത്.
