രാഹുൽ മാങ്കൂട്ടത്തിലിനെതിരെ ഔദ്യോഗിക പരാതികൾ വരും മുൻപേ കോൺഗ്രസ് നടപടിയെടുത്തുവെന്ന് യൂത്ത് കോൺഗ്രസ് സംസ്ഥാന അധ്യക്ഷൻ ഒ ജെ ജനിഷ്. യൂത്ത് കോൺഗ്രസ് സ്ഥാനത്തുനിന്ന് മാറ്റി. എടുക്കാവുന്ന നടപടികൾ പാർട്ടി നേരത്തെ എടുത്തതാണ്. പരാതി ഇപ്പോഴാണ് വന്നത്.
ഏത് അന്വേഷണം ഉണ്ടെങ്കിലും നടക്കട്ടെ.കോടതിയാണ് ശിക്ഷ വിധിക്കേണ്ടത്. പരാതിക്കാരിക്ക് നീതികിട്ടണം, നടപടികളുമായി സർക്കാരിന് മുന്നോട്ട് പോകാം. അതിന് യൂത്ത് കോൺഗ്രസ് എതിര് നിൽക്കില്ല.മുകേഷിന് സംരക്ഷണം തീർക്കാൻ സിപിഐഎം ഇറങ്ങിയത് പോലെ യൂത്ത് കോൺഗ്രസ് ഇറങ്ങില്ലെന്നും ജനീഷ് വ്യക്തമാക്കി.
അതേസമയം ലൈംഗിക പീഡനക്കേസില് രാഹുൽ മാങ്കൂട്ടത്തിൽ എംഎല്എയെ അറസ്റ്റ് ചെയ്യാനുള്ള നീക്കങ്ങള് സജീവമാക്കി പൊലീസ്. എംഎല്എ രാഹുൽ മാങ്കൂട്ടത്തിലിനായി ലുക്ക്ഔട്ട് സർക്കുലർ പുറത്തിറക്കി.
വിദേശത്തേക്ക് കടക്കാന് സാധ്യതയുള്ളതിനാലാണ് ലുക്ക്ഔട്ട് സർക്കുലർ പുറത്തിറക്കിയിരിക്കുന്നത്. യുവതിയുടെ പരാതിയില് ജാമ്യമില്ലാ വകുപ്പാണ് രാഹുലിനെതിരെ ചുമത്തിയിരിക്കുന്നത്.
