ന്യൂഡല്ഹി: മൂന്നാം നരേന്ദ്രമോദി സർക്കാറിന്റെ മൂന്നാം ബജറ്റ് അവതരണത്തിന് 11 മണിക്ക് പാർലമെന്റില് തുടക്കമാകും. തുടർച്ചയായി ഒന്പത് തവണ കേന്ദ്ര ബജറ്റ് അവതരിപ്പിക്കുന്ന ധനമന്ത്രി എന്ന ചരിത്ര നേട്ടം ഇന്നത്തെ ബജറ്റ് അവതരണത്തോടെ നിർമ്മല സീതാരാമന് സ്വന്തമാക്കും. ആദ്യമായി പൊതുഅവധി ദിവസമായ ഞായറാഴ്ച കേന്ദ്ര ബജറ്റ് അവതരിപ്പിക്കുന്നുവെന്ന സവിശേഷതയും ഇത്തവണയുണ്ട്.
പർപ്പിള് നിറത്തിലുള്ള കട്ടം (കള്ളി) കാഞ്ചീപുരം സാരി അണിഞ്ഞാണ് നിർമ്മല സീതാരാമന് ഇത്തവണ ബജറ്റ് അവതരണത്തിനായി എത്തിയിരിക്കുന്നത്. കോഫി ബ്രൗൺ കസവും സാരിയുടെ ഭംഗി വർധിപ്പിക്കുന്നു. കഴിഞ്ഞ എട്ട് തവണയും വിവിധ ഇന്ത്യന് സംസ്ഥാനങ്ങളില് നിന്നുള്ള കൈത്തറി സാരികളായിരുന്നു ബജറ്റ് അവതരണ ദിനത്തില് നിർമ്മല സീതാരാമന് ധരിച്ചിരുന്നത്. ഇത്തവണയും അതിന് മാറ്റമൊന്നും ഉണ്ടായില്ല.
