മലപ്പുറം: രാജ്യത്തെ ആദ്യത്തെ ഫുള് എയര് കണ്ടീഷന്ഡ് ക്ലാസുമുറികളോട് കൂടിയ സര്ക്കാര് എല്പി സ്കൂളിന്റെ നിര്മാണം മലപ്പുറത്ത് പൂര്ത്തിയായി.
ഈ വരുന്ന ഞായറാഴ്ച കെട്ടിടത്തിന്റെ ഉദ്ഘാടനം എംപി ഇടി മുഹമ്മദ് ബഷീര് നിര്വഹിക്കും. നൂറു വര്ഷത്തോളം പഴക്കമുള്ള സ്കൂള് കെട്ടിടം അപകടാവസ്ഥയിലായതിനാല് വിദ്യാഭ്യാസ വകുപ്പ് അതില് പ്രവേശന അനുമതി നല്കിയിരുന്നില്ല.
സ്കൂളിലെ എട്ട് പഴയ ക്ലാസ് മുറികള്, കമ്പ്യൂട്ടര് ലാബ്, ലൈബ്രറി, സ്റ്റാഫ് റൂം, എച്ച്എംറൂം എന്നിവയുള്പ്പെടെ മുഴുവന് കെട്ടിടവും എയര് കണ്ടീഷന് ചെയ്താണ് പൂര്ത്തിയാക്കിയത്.
പതിനായിരം ചതുരശ്ര അടി വിസ്തീര്ണ്ണമുള്ള ഗ്രൗണ്ട് ഫ്ലോറിന് പുറമേ, രണ്ട് നിലകളിലായാണ് പൂര്ണ്ണമായും എയര് കണ്ടീഷന് ചെയ്ത ക്ലാസ് മുറികള് നിര്മിച്ചത്.
