കോഴിക്കോട്: നിയമസഭാ തെരഞ്ഞെടുപ്പില് മത്സരിക്കാന് ആഗ്രഹം പ്രകടിപ്പിച്ച് മുതിര്ന്ന കോണ്ഗ്രസ് നേതാവ് എം എം ഹസ്സന്. മത്സരിക്കുന്നതിന് അയോഗ്യതയില്ലെന്നും താന് മത്സരിക്കുന്ന കാര്യത്തില് തീരുമാനമെടുക്കേണ്ടത് പാര്ട്ടിയാണെന്നും എം എം ഹസ്സന് പറഞ്ഞു.
‘കെട്ടുപ്രായം കഴിഞ്ഞ പെണ്കുട്ടിയോട് വിവാഹം വേണോ എന്ന് ചോദിക്കുന്നത് പോലെയാണ് രാഷ്ട്രീയക്കാരനോട് മത്സരിക്കുമോ എന്ന് ചോദിക്കുന്നത്. മുതിര്ന്നവര് മത്സരിക്കുന്നതില് തെറ്റില്ല. മുതിര്ന്നവരെയും യുവാക്കളെയും ഒരുപോലെ പരിഗണിക്കും’, എം എം ഹസ്സന് പറഞ്ഞു. എംപിമാര് മത്സരിക്കുന്ന കാര്യത്തില് ഹൈക്കമാന്ഡ് നയപരമായ തീരുമാനമെടുക്കണമെന്നും എംപിമാര്ക്കും മത്സരിക്കാന് താല്പ്പര്യമുണ്ടാകുമെന്നും എം എം ഹസ്സന് പറഞ്ഞു.
