കുമളി: ദേശീയപാത 183ന്റെ ഭാഗമായ ഡിണ്ടിഗല്- കുമളി റോഡ് നാലുവരിപ്പാതയാക്കും. 3,000 കോടി രൂപ ചെലവില് നാലുവരിപ്പാതയാക്കാനുള്ള പദ്ധതിക്ക് ദേശീയപാത അതോറിറ്റി ഉടന് കരാര് വിളിക്കും. 133 കിലോമീറ്റര് റോഡ് വികസന പദ്ധതി പൂര്ത്തിയാകുന്നതോടെ ഡിണ്ടിഗലിനും കുമളിക്കും ഇടയിലുള്ള യാത്രാ സമയം കാര്യമായി കുറയും.
![](https://www.kottayammedia.com/wp-content/uploads/2023/10/achayans-gold-oct-23.jpg)
വിശദമായ പ്രോജക്ട് റിപ്പോര്ട്ട് (ഡിപിആര്) തയാറാക്കാനുള്ള ഏജന്സിയെ ഉടന് നിയോഗിക്കും. ഇത് യാഥാര്ഥ്യമായാല് കേരളത്തിലെ പ്രധാന വിനോദസഞ്ചാര കേന്ദ്രമായ തേക്കടിയിലേക്കും മൂന്നാറിലേക്കും തമിഴ്നാട്ടില് നിന്നുളള യാത്രയും എളുപ്പത്തിലാകും.
![](https://www.kottayammedia.com/wp-content/uploads/2024/07/jaico-4-7-24.jpg)
പദ്ധതിയുടെ ഭാഗമായി 26 ജംഗ്ഷനുകള് വിപുലീകരിക്കും. ഗതാഗതക്കുരുക്ക് രൂക്ഷമായ സെമ്പട്ടി- മധുര- പഴനി റോഡ്, ബോഡിനായ്ക്കന്നൂര്, ഉത്തമപാളയം എന്നിവിടങ്ങളില് അടിപ്പാതകളും പാലങ്ങളും നിര്മിക്കും. പുതിയ പാതയോടു ചേര്ന്നുള്ള നാനൂറോളം ഗ്രാമീണ റോഡുകളും വികസിപ്പിക്കും. 2 ടോള് പ്ലാസകളും ഉണ്ടാകും. 9000 മരങ്ങള് മുറിക്കേണ്ടി വരുമെന്നാണു കണക്കാക്കുന്നത്. പാരിസ്ഥിതിക ആഘാത പഠനവും ഇതിനു മുന്നോടിയായി നടത്തും.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)