മംഗളൂരു: കൊല്ലൂര് മൂകാംബയിലെ സൗപര്ണികാ നദിയില് കഴിഞ്ഞ ദിവസം മരിച്ച നിലയില് കണ്ടെത്തിയത് പ്രശസ്ത വൈല്ഡ് ലൈഫ് ഫോട്ടോഗ്രാഫറെ.
ബെംഗളൂരു ആസ്ഥാനമായുള്ള വൈല്ഡ് ലൈഫ് ഫോട്ടോഗ്രാഫര് വസുധ ചക്രവര്ത്തിയെയാണ് കഴിഞ്ഞ ദിവസം മരിച്ച നിലയില് കണ്ടെത്തിയത്. 45 വയസായിരുന്നു.
ഇക്കഴിഞ്ഞ ഞായറാഴ്ചയായിരുന്നു വസുധയെ സൗപര്ണികാ നദിയില് മരിച്ച നിലയില് കണ്ടെത്തിയത്. ഓഗസ്റ്റ് 27നായിരുന്നു വസുധ ബെംഗളൂരുവില് നിന്ന് കൊല്ലൂര് എത്തിയത്. തുടര്ന്ന് സൗപര്ണികാ നദിയുടെ ഭാഗത്തേയ്ക്ക് പോകുകയായിരുന്നു. ഇത് പ്രദേശവാസികളില് ചിലര് കണ്ടിരുന്നു.
മണിക്കൂറുകളോളം കാര് അനാഥമായി കിടക്കുന്നത് ശ്രദ്ധയില്പ്പെട്ട പ്രദേശവാസികള് പൊലീസില് വിവരം അറിയിക്കുകയായിരുന്നു. മണിക്കൂറുകള് നടത്തിയ തെരച്ചിലിനിനൊടുവിലാണ് വസുധയുടെ മൃതദേഹം കണ്ടെത്തിയത്.
