കളമശ്ശേരിയില്‍ യുവതിയെ തട്ടിക്കൊണ്ടുപോകാന്‍ ശ്രമിച്ച സംഭവം: അന്വേഷണം ഊര്‍ജിതമാക്കി പൊലീസ്

കളമശ്ശേരി ടിവിഎസ് കവലയ്ക്ക് സമീപം ജോലിസ്ഥലത്തു നിന്നും വരികയായിരുന്ന യുവതിയെയാണ് തട്ടിക്കൊണ്ടുപോകാന്‍ ശ്രമിച്ചത്. ഇന്നലെ വൈകീട്ട് ആറ് മണിയോടെയാണ് അഞ്ചംഗ സംഘം കാറിലെത്തി യുവതിയെ തട്ടിക്കൊണ്ടുപോകാന്‍ ശ്രമിച്ചത്. ഇവരില്‍ നിന്നും രക്ഷപ്പെട്ട യുവതി ബഹളം വെച്ചു. തുടര്‍ന്ന് നാട്ടുകാര്‍ ഓടിക്കൂടി സംഘത്തെ പിടിക്കാന്‍ ശ്രമിച്ചെങ്കിലും ഇവര്‍ വാഹനവുമായി കടന്നുകളഞ്ഞു.