വധുവിനെ മുന്‍കാമുകന്‍ വെടിവെച്ച് കൊന്നു, ആക്രമണം ബ്യൂട്ടിപാര്‍ലറിലെ മേക്കപ്പിനിടെ

തുണികൊണ്ട് മുഖം മറച്ചു കൊണ്ടാണ് ഇയാള്‍ എത്തിയത്. നീ എന്നെ വഞ്ചിച്ചു, ഇറങ്ങി വാ എന്നു പറഞ്ഞുകൊണ്ടാണ് വെടിവെച്ചത്. തന്റെ ഒപ്പം വരാന്‍ നിര്‍ബന്ധിച്ചിട്ടും കാജല്‍ നിരസിച്ചതിനെത്തുടര്‍ന്നാണ് വെടിയുതിര്‍ത്തത്. സഹോദരിക്കും ബന്ധുക്കളായ മറ്റ് രണ്ട് സ്ത്രീകള്‍ക്കുമൊപ്പമാണ് കാജല്‍ ബ്യൂട്ടിപാര്‍ലറിലെത്തിയത്. കാജലിന്റെ അതേ ഗ്രാമത്തില്‍നിന്നുള്ളയാളാണ് ദീപക്കും. വിവാഹത്തിന് ഝാന്‍സിയിലേക്ക് പുറപ്പെട്ട കാജലിനെയും കുടുംബത്തെയും പിന്തുടര്‍ന്നാണ് ദീപക്കും എത്തിയത്. ഇയാള്‍ക്ക് വേണ്ടി പൊലീസ് തിരച്ചില്‍ ആരംഭിച്ചു.