കൊച്ചി: സംസ്ഥാനത്ത് സ്വര്ണവിലയില് നേരിയ മുന്നേറ്റം. ഇന്ന് പവന് 160 രൂപയാണ് വര്ധിച്ചത്. 1,07,120 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 20 രൂപയാണ് കൂടിയത്. 13,390 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസത്തിന്റെ തുടക്കത്തില് 1,14,560 രൂപയായിരുന്നു ഒരു പവന് സ്വര്ണത്തിന്റെ വില. മൂന്നാഴ്ചയ്ക്കിടെ ഏകദേശം ഏഴായിരം രൂപയാണ് കുറഞ്ഞത്.
വിലക്കയറ്റം പിടിച്ചുനിര്ത്താന് യുഎസ് ഫെഡറല് റിസര്വ് പലിശനിരക്ക് കൂട്ടിയേക്കുമെന്ന റിപ്പോര്ട്ടുകളാണ് സ്വര്ണവിലയില് പ്രതിഫലിച്ചത്. പശ്ചിമേഷ്യന് സംഘര്ഷത്തില് അയവ് വന്നതിനെ തുടര്ന്ന് എണ്ണവില കുറഞ്ഞതും സ്വര്ണവിലയെ സ്വാധീനിക്കുന്നുണ്ട്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
