കൊല്ലം: പത്തനാപുരം എന്എസ്എസ് താലൂക്ക് യൂണിയന് പരിച്ചുവിട്ടതില് പ്രതികരിച്ച് മന്ത്രി കെബി ഗണേഷ്കുമാര്.
തന്റെ പിതാവായ ആര് ബാലകൃഷ്ണ പിള്ള ഒരു പായ ഇട്ടാണ് എന്എസ്എസ് പത്തനാപുരം താലൂക്ക് യൂണിയന് ആരംഭിച്ചത്. ഇന്ന് 300 കോടിയുടെ ആസ്തിയാണ് താലൂക്ക് യൂണിയനുള്ളത്. ഈ ആസ്തി കൈക്കലാക്കാനുള്ള നീക്കമാണ് ഇപ്പോള് നടക്കുന്നതെന്നും ഗണേഷ്കുമാര് പറഞ്ഞു.
‘എനിക്ക് എല്ലാ സമുദായവും ഒരു പോലെയാണ്. മതേതര വിശ്വാസിയായ രാഷ്ട്രീയ പ്രവര്ത്തകനാണ് ഞാന്, എന്എസ് എസും മറ്റുള്ളവരും ഒരു പോലെയാണ്. ജനാധിപത്യ രീതിയില് വോട്ടിട്ട് തെരഞ്ഞെടുക്കപ്പെട്ടയാളാണ് ഞാന്. എന്നെ സ്ഥാനത്ത് നിന്ന് മാറ്റുമ്പോള് ജനാധിപത്യപരമാണോയെന്ന് പരിശോധിക്കപ്പെടേണ്ടതാണെന്നും’ അദ്ദേഹം പറഞ്ഞു.
