പാലക്കാട്: മണ്ണാര്ക്കാട് കോഴിഫാമില് വന് അഗ്നിബാധ. മൂവായിരത്തോളം കോഴിക്കുഞ്ഞുങ്ങള് തീയില് വെന്തുരുകി ചത്തു. ഇന്നലെ രാത്രിയാണ് അഗ്നിബാധയുണ്ടായത്.
![](https://www.kottayammedia.com/wp-content/uploads/2023/10/achayans-gold-oct-23.jpg)
കണ്ടമംഗലം അരിയൂര് ഫൈസലിന്റെ ഉടമസ്ഥതയിലുള്ള കോഴിഫാമിലാണ് അഗ്നിബാധയുണ്ടായത്. കനത്ത ചൂടായതിനാല് കോഴിക്കൂടിന്റെ തകരഷീറ്റിന് താഴെ തെങ്ങോലയും കവുങ്ങിന്പട്ടയും ഉപയോഗിച്ച് സീലിങ് അടച്ചിരുന്നു. കാലപഴക്കം ചെന്ന വയറിങ് ആയതിനാല് ഷോര്ട്ട് സര്ക്യൂട്ട് ആണ് തീപിടിത്തത്തിന് പ്രാഥമിക കാരണമെന്നാണ് കരുതുന്നത്.
![](https://www.kottayammedia.com/wp-content/uploads/2024/07/jaico-4-7-24.jpg)
വയറിങ് സംവിധാനം കത്തിയപ്പോള് സീലിങ്ങിലുള്ള തെങ്ങോലയും കവുങ്ങിന് പട്ടയും കത്തുകയായിരുന്നു. രാത്രിയായിരുന്നതിനാല് തൊഴിലാളികള് ആരും ഉണ്ടായിരുന്നില്ല. രാത്രി ഫയര്ഫോഴ്സ് എത്തിയാണ് തീയണച്ചത്. ഒന്നരമണിക്കൂര് നേരത്തെ പരിശ്രമത്തിനൊടുവിലാണ് തീയണച്ചത്.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)