മലപ്പുറത്ത് തെരുവുനായയുടെ ആക്രമണത്തിൽ വീട്ടമ്മയുടെ കൈ നായ കടിച്ചുമുറിച്ചു.
കോട്ടക്കൽ സ്വദേശി നിർമ്മലയുടെ കൈ ആണ് നായ കടിച്ചു മുറിച്ചത്. ഇന്നലെ വൈകിട്ട് തെരുവുനായ രണ്ടു കുട്ടികളെ ആക്രമിച്ചിരുന്നു. പരിക്കേറ്റവർ ആശുപത്രികളിൽ ചികിത്സ തേടി. എന്നാൽ, തെരുവ് നായയെ ഇപ്പോഴും പിടികൂടാനായിട്ടില്ല.
അതേ സമയം ആലപ്പുഴയിലും ഇന്നലെ തെരുവുനായ ആക്രമണം റിപ്പോർട്ട് ചെയ്തിരുന്നു. കായംകുളത്ത് സ്കൂൾ വിദ്യാർത്ഥി അടക്കം നിരവധിപേരെ തെരുവ് നായ ആക്രമിച്ചു. കായംകുളം പ്രതാങ്ങമൂട് ജംഗ്ഷനിൽ ആയിരുന്നു തെരുവ് നായയുടെ ആക്രമണം. തെരുവ് നായയുടെ കടിയേറ്റവർ കായംകുളം താലൂക്ക് ആശുപത്രിയിൽ ചികിത്സ തേടുകയായിരുന്നു.
