കൊച്ചി: പാമ്പാക്കുട പഞ്ചായത്ത് 10-ാം വാര്ഡായ ഓണക്കൂറിലെ കോണ്ഗ്രസ് സ്ഥാനാര്ത്ഥി കുഴഞ്ഞ് വീണ് മരിച്ചു. സി എസ് ബാബു(59) ആണ് മരിച്ചത്.
പുലര്ച്ചെ മൂന്ന് മണിയോടെ കുഴഞ്ഞ് വീണ ബാബുവിനെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. വീട്ടില് വച്ചായിരുന്നു കുഴഞ്ഞ് വീണത്.
സ്ഥാനാര്ത്ഥിയുടെ മരണത്തെ തുടര്ന്ന് പാമ്പാക്കുട പഞ്ചായത്ത് പത്താം വാര്ഡിലെ തെരഞ്ഞെടുപ്പ് മാറ്റിവച്ചതായി അധികൃതര് അറിയിച്ചു.
ഇന്ന് തെരഞ്ഞെടുപ്പ് നടക്കാനിരിക്കെ വിഴിഞ്ഞം 66-ാം വാര്ഡിലെ സ്വതന്ത്ര സ്ഥാനാര്ത്ഥി ജസ്റ്റിന് ഫ്രാന്സിസ് ഇന്നലെ വാഹനാപകടത്തില് മരിച്ചിരുന്നു.
സംഭവത്തെ തുടര്ന്ന് ഈ വാര്ഡിലെ തെരഞ്ഞെടുപ്പ് മാറ്റിവെച്ചു. ഇതോടെ വിഴിഞ്ഞം വാര്ഡിലെ 10 ബൂത്തുകളും ഇന്നലെ രാത്രി തന്നെ പൂട്ടി ഉദ്യോഗസ്ഥര് മടങ്ങുകയായിരുന്നു.
