മിലാന് (ഇറ്റലി): പുറപ്പെടാന് തയാറായി നിന്ന വിമാനത്തിന്റെ എന്ജിനില് കുടുങ്ങി യുവാവ് മരിച്ചു.
ബെര്ഗാമോ വിമാനത്താവളത്തില് ചൊവ്വാഴ്ച രാവിലെ 10.30ന് ആയിരുന്നു സംഭവം നടന്നത്. സ്പെയിനിലെ ആസ്റ്റുരിയസിലേയ്ക്കു പുറപ്പെടാൻ വിമാനം തയാറായി നിൽക്കവെ യുവാവ് റൺവേയിലേയ്ക്ക് അവിചാരിതമായി എത്തുക ആയിരുന്നു.
35 വയസ്സുകാരനാണ് മരണപ്പെട്ടതെന്ന് ഇറ്റാലിയൻ മാധ്യമങ്ങൾ റിപ്പോർട്ട് ചെയ്തു. വൊളോത്തിയ കമ്പനിയുടെ എ319ന്റെ എൻജിനിലാണ് യുവാവ് കുടുങ്ങിയത്. തൽക്ഷണം മരിച്ചു. അപകടത്തെത്തുടര്ന്ന് 2 മണിക്കൂറോളം വിമാനഗതാഗതം തടസ്സപ്പെട്ടതായി ബെര്ഗാമോ വിമാനത്താവള അധികൃതർ അറിയിച്ചു. പത്തൊമ്പതോളം വിമാനങ്ങള് റദ്ദാക്കുകയും ഒന്പത് വിമാനങ്ങള് വഴിതിരിച്ചുവിടുകയും ചെയ്തെന്ന് ഫ്ളൈറ്റ് ട്രാക്കര് ഏജന്സിയായ ഫ്ളൈറ്റ്റഡാര്-24 റിപ്പോര്ട്ട് ചെയ്തു.
