കൊല്ലം: പാരിപ്പള്ളി യുകെഎഫ് എൻജിനീയറിങ് കോളജ് വിദ്യാർഥികൾ സഞ്ചരിച്ച കാർ മതിലിൽ ഇടിച്ച് അപകടം.
കോളജ് ഡേ പരിപാടികൾ കഴിഞ്ഞു പരവൂരിലേക്ക് വരവേ ഉണ്ടായ അപകടത്തിൽ പരവൂർ കോട്ടപ്പുറം സ്വദേശി ഹേമന്ദ് (21)മരിച്ചു.
പരുക്കേറ്റ 3 വിദ്യാർഥികളുടെ നില ഗുരുതരമാണ്. ഇന്നലെ രാത്രി 12.10ന് പരവൂർ – പാരിപ്പള്ളി റോഡിൽ പൂതക്കുളം പഞ്ചായത്ത് ഓഫിസിനു സമീപമായിരുന്നു അപകടം. ഇടിയുടെ ആഘാതത്തിൽ കാറിന്റെ എൻജിൻ ഊരി തെറിച്ചതായാണ് വിവരം.
