തിരുവനന്തപുരം: കടബാധ്യതയെ തുടര്ന്ന് യുവാവ് ആത്മഹത്യ ചെയ്ത സംഭവത്തില് വിതുര പ്രദേശം ദുഃഖത്തില്.
പേരയത്തുപാറ സ്വദേശി അമല് കൃഷ്ണന് (35) ആണ് മരിച്ചത്. ഇന്ന് രാവിലെയാണ് വീടിന് സമീപമുള്ള പഴയ കെട്ടിടത്തില് അമലിനെ മരിച്ച നിലയില് കണ്ടെത്തിയത്.
ഇന്ന് അമലിന്റെ മകന്റെ ചോറൂണ് ചടങ്ങുകള് നടക്കുന്നതിനിടെയാണ് സംഭവം. ചടങ്ങിന്റെ ഭാഗമായി അമലിന്റെ വീട്ടുകാര് അടുത്തുള്ള ഗുരുമന്ദിരത്തില് പോയിരുന്നു. അമല് ഇവര്ക്കൊപ്പം എത്താതിരുന്നതിനെ തുടര്ന്ന് നടത്തിയ തിരച്ചിലിലാണ് പഴയ കെട്ടിടത്തില് അമലിനെ തൂങ്ങിമരിച്ച നിലയില് കണ്ടെത്തിയത്.
അമലും ആറു സുഹൃത്തുക്കളും ചേര്ന്നാണ് ടര്ഫ് നടത്തിയിരുന്നത്. ലക്ഷങ്ങളുടെ കടബാധ്യത ഉണ്ടായിരുന്നുവെന്നാണ് വിവരം. വിതുര പൊലീസ് കേസെടുത്ത് അന്വേഷണം ആരംഭിച്ചു.
