ഭുവനേശ്വര്: അധ്യാപകനെതിരായ ലൈംഗികാതിക്രമ പരാതി കോളേജ് അവഗണിച്ചതിന് പിന്നാലെ സ്വയം തീകൊളുത്തി ചികിത്സയിലായിരുന്ന വിദ്യാര്ത്ഥിനി മരിച്ചു.
ഇന്നലെ രാത്രി 11.46 ഓടെയാണ് മരണം സ്ഥിരീകരിച്ചത്. ഭൂവനേശ്വര് എയിംസില് ചികിത്സയിലിരിക്കെയാണ് മരണം. ബാലാസോറിലെ ഫക്കീര് മോഹന് കോളേജിലെ ബിരുദ വിദ്യാര്ത്ഥിനിയാണ് മരിച്ചത്.
സംഭവത്തില് പ്രതികള്ക്കെതിരെ കേസ് എടുക്കാന് മുഖ്യമന്ത്രി ചരണ് മാജി നിര്ദേശം നല്കി. കഴിഞ്ഞ ദിവസം രാഷ്ട്രപത്രി ദ്രൗപതി മുര്മു ആശുപത്രിയില് എത്തി വിദ്യാര്ത്ഥിനിയെ കണ്ടിരുന്നു.
പെണ്കുട്ടിക്ക് മികച്ച ചികിത്സ ഉറപ്പാക്കണമെന്ന നിര്ദേശം നല്കിയായിരുന്നു രാഷ്ട്രപതി മടങ്ങിയത്. വിദ്യാര്ത്ഥിനിയെ രക്ഷിക്കാന് ശ്രമിക്കുന്നതിനിടെ പരിക്കേറ്റ സഹപാഠിയും ഇതേ ആശുപത്രിയില് ചികിത്സയിലാണ്.
