ന്യൂഡല്ഹി: ചീഫ് ജസ്റ്റിസ് സൂര്യകാന്ത് യുവാക്കളെ പാറ്റകളോട് ഉപമിച്ചതില് പ്രതിഷേധിച്ച് ഉയര്ന്നുവന്ന ആക്ഷേപഹാസ്യ രാഷ്ട്രീയമുന്നണിയായ കോക്രോച്ച് ജനതാ പാര്ട്ടിയുടെ എക്സ് അക്കൗണ്ടിന് ഇന്ത്യയില് ബ്ലോക്ക്. നടപടി പ്രതീക്ഷിച്ചിരുന്നതായി സ്ഥാപകന് അഭിജിത് ദീപകെ പറഞ്ഞു.
165 K പേരാണ് കോക്രോച്ച് ജനതാ പാര്ട്ടിയെ എക്സിലൂടെ ഫോളോ ചെയ്തത്. നിയമപരമായ പ്രശ്നം ചൂണ്ടിക്കാട്ടിയാണ് വിലക്കെന്നാണ് വിവരം. എന്നാല് 12.6 മില്ല്യണ് ആളുകള് ഫോളോ ചെയ്യുന്ന ഇന്സ്റ്റഗ്രാം അക്കൗണ്ട് ഇപ്പോഴും നിലവിലുണ്ട്.
കഴിഞ്ഞയാഴ്ച്ച കോടതി നടപടികള്ക്കിടെയാണ് ചീഫ് ജസ്റ്റിസ് സൂര്യകാന്ത് യുവാക്കളെ പാറ്റകളോട് ഉപമിച്ചത്. ‘ഒരു പണിയുമില്ലാത്ത ചില യുവാക്കളുണ്ട്. അവരില് ചിലര് മാധ്യമപ്രവര്ത്തകരും ചിലര് സോഷ്യല് മീഡിയ, ആര്ടിഐ ആക്ടിവിസ്റ്റുകളുമായി സമൂഹത്തെ ആക്രമിക്കുന്നു. അവര് കോക്രോച്ചുകളും പരാന്നഭോജികളുമാണ്’ എന്നാണ് ജസ്റ്റിസ് സൂര്യകാന്ത് പറഞ്ഞത്.
