കോഴിക്കോട്: കോഴിക്കോട് മെഡിക്കല്‍ കോളേജ് ആശുപത്രിയില്‍ വിരലിനു പകരം നാവിന് ശസ്ത്രക്രിയ നടത്തിയ സംഭവത്തില്‍ ഇന്ന് മെഡിക്കൽ ബോർഡ് ചേരും. മെഡിക്കൽ ബോർഡിൻ്റെ അന്വേഷണത്തിന് ശേഷമായിരിക്കും ശസ്ത്രക്രിയ ചെയ്ത ഡോ. ബിജോൺ ജോൺസൻ്റെ മൊഴി പൊലീസ് രേഖപ്പെടുത്തുക.
മഞ്ചേരി മെഡിക്കൽ കോളേജ് പ്രിൻസിപ്പൽ ഇൻ ചാർജ് ഡോ. അഷ്റഫിൻ്റെ നേതൃത്വത്തിൽ മഞ്ചേരി മെഡിസിൻ വിഭാഗം തലവൻ, സർജറി വിഭാഗം തലവൻ തുടങ്ങിയ മൂന്നംഗ സംഘമാണ് മെഡിക്കൽ ബോർഡ്. ഇന്ന് 10 മണിയോടെ കോഴിക്കോട് മെഡിക്കൽ കോളജിലെത്തുന്ന സംഘം ഡോ. ബിജോൺ ജോൺസൻ്റെയും അവയവം മാറി ശസ്ത്രക്രിയ ചെയ്ത കുഞ്ഞിൻ്റെ രക്ഷിതാക്കളുടെയും വിശദമായ മൊഴിയെടുക്കും.
