ന്യൂഡല്ഹി: വ്യാജ തിരിച്ചറിയില് കാര്ഡുമായി പാര്ലമെന്റിനകത്ത് കയറാന് ശ്രമിച്ച മൂന്ന് പേര് പിടിയില്. ഉത്തര്പ്രദേശുകാരായ മൂന്ന് തൊഴിലാളികളെയാണ് സിഐഎസ്എഫ് അറസ്റ്റ് ചെയ്തത്. കാസിം, മോനിസ്, സോയബ് എന്നിവരാണ് അറസ്റ്റിലായതെന്ന് പൊലീസ് പറഞ്ഞു.
![](https://www.kottayammedia.com/wp-content/uploads/2023/10/achayans-gold-oct-23.jpg)
ചൊവ്വാഴ്ച പാര്ലമെന്റ് ഗേറ്റില് സുരക്ഷാപരിശോധനയ്ക്കിടെയാണ് ഇവരെ സിഐഎസ്എഫ് ഉദ്യോഗസ്ഥര് തടഞ്ഞത്. പരിശോധനയില് ഇവരുടെ തിരിച്ചറിയല് കാര്ഡ് വ്യാജമാണെന്ന് കണ്ടെത്തി. വ്യാജരേഖ ചമയ്ക്കല്, വഞ്ചന ക്രിമിനല് ഗൂഢാലോചന എന്നീ വകുപ്പുകളാണ് പ്രതികള്ക്കെതിരെ ചുമത്തിയത്.
![](https://www.kottayammedia.com/wp-content/uploads/2024/07/jaico-4-7-24.jpg)
പാര്ലമെന്റിനകത്ത് നവീകരണ പ്രവര്ത്തനങ്ങള് ചെയ്യുന്ന സ്വകാര്യ കമ്പനിയുടെ ജീവനക്കാരാണ് ഇവരെന്ന് അന്വേഷണത്തില് കണ്ടെത്തി. മൂന്ന് പേരെയും സിഐഎസ്എഫ് ഡല്ഹി പൊലീസിന് കൈമാറി. സംഭവത്തില് വിശദമായ അന്വേഷണം പുരോഗമിക്കുകയാണെന്നും ഡല്ഹി പൊലീസ് അറിയിച്ചു.
![](https://kottayammedia.com/wp-content/uploads/2021/11/logo111.png)
![](https://kottayammedia.com/wp-content/uploads/2021/12/ad1.png)