തിരുവനന്തപുരം: 30 രൂപയ്ക്ക് പെട്രോൾ ചോദിച്ചുണ്ടായ തർക്കത്തിന് പിന്നാലെ പെട്രോൾ പമ്പ് ജീവനക്കാരന് വെട്ടേറ്റു. തിരുവനന്തപുരം കുറ്റിച്ചലിൽ ഇന്ന് ഉച്ചയ്ക്ക് ശേഷമാണ് സംഭവം. പമ്പിലെ ജീവനക്കാരനായ അനിൽ കുമാറിനാണ് തലയ്ക്കും മുഖത്തിനും ഗുരുതരമായി പരിക്കേറ്റത്. ഇയാളെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു.
ബൈക്കിലെത്തിയ മൂന്ന് യുവാക്കളാണ് പമ്പിൽ 30 രൂപയ്ക്ക് പെട്രോൾ ആവശ്യപ്പെട്ടത്. എന്നാൽ പമ്പിൽ അടിക്കാവുന്ന കുറഞ്ഞ തുകയെക്കുറിച്ച് അനിൽ കുമാർ വ്യക്തമാക്കിയതോടെ യുവാക്കൾ ബഹളമുണ്ടാക്കുകയും ഇതിലൊരാൾ ഇയാളെ പിടിച്ച് തള്ളുകയുമായിരുന്നു. തുടർന്നുണ്ടായ വാക്കുതർക്കത്തിനിടെ അനിൽ കുമാർ പ്രതിരോധിച്ചതോടെ ബൈക്കിലുണ്ടായിരുന്ന മറ്റുള്ളവർ ഇടപെട്ട് രംഗം ശാന്തമാക്കുകയും ഇവർ മടങ്ങിപ്പോവുകയും ചെയ്തു.
