കണ്ണൂര് അഞ്ചരക്കണ്ടി ദന്തല് കോളജിലെ ബിഡിഎസ് വിദ്യാര്ഥി നിതിന് രാജിന്റെ മരണത്തില് ലോണ് ആപ്പിനെതിരെ കേസ്.
ചക്കരയ്ക്കല് പൊലീസ് സ്വമേധയാ കേസെടുക്കുകയായിരുന്നു. ഇന്സ്റ്റ് പേ എന്ന ആപ്പിനെതിരായാണ് കേസ്.
കഴിഞ്ഞ ജനുവരിയിലാണ് നിതിന് രാജ് ആപ്പ് വഴി 36 ശതമാനം പലിശയ്ക്ക് 15000 രൂപ വായ്പയെടുത്തത്. ഏപ്രില് മാസമായപ്പോഴേക്കും ആപ്പുമായി ബന്ധപ്പെട്ടവര് നിതിനെ നിരന്തരം ഭീഷണിപ്പെടുത്താന് തുടങ്ങി.
നിതിനെ ആപ്പുമായി ബന്ധപ്പെട്ടവര് മാനസികമായി പീഡിപ്പിച്ചുവെന്നും ഭയപ്പെടുത്തി പണം തിരിച്ചടപ്പിക്കാന് ശ്രമിച്ചുവെന്നുമാണ് എഫ്ഐആറില് പറയുന്നത്.
