പത്തനംതിട്ട: പിണങ്ങിപ്പോയ ഭാര്യയുടെ വീടിന് മുമ്പിലെ ട്രാന്സ്ഫോമറിന് മുകളില് കയറി ആത്മഹത്യാ ഭീഷണി മുഴക്കി യുവാവ്. അഗ്നിരക്ഷാസേനാ അംഗങ്ങള് എത്തി അനുനയിപ്പിച്ചാണ് യുവാവിനെ താഴെയിറക്കിയത്. പത്തനംതിട്ട ഇലന്തൂര് സ്വദേശിയായ 23 കാരനാണ് ആത്മഹത്യാ ഭീഷണി മുഴക്കിയത്.
ചെന്നീര്ക്കര ഊന്നുകല് ജങ്ഷന് സമീപത്തെ കെഎസ്ഇബി 11 കെവി ലൈന് ട്രാന്സ്ഫോര്മര് ലിങ്ക് പോസ്റ്റില് കയറിയാണ് ആത്മഹത്യാ ഭീഷണി മുഴക്കിയത്.
ഞായറാഴ്ച പുലര്ച്ചെ മൂന്നുമണിയോടെ ബ്ലേഡ് ഉള്പ്പെടെയുള്ള വസ്തുക്കളുമായി ഇയാള് ട്രാന്സ്ഫോമറിന് മുകളില് കയറുകയായിരുന്നു.
