കൊച്ചി: തദ്ദേശ തെരഞ്ഞെടുപ്പില് ലഭിച്ച മികച്ച നേട്ടത്തിന് പിന്നാലെ കൊച്ചി മേയര് സ്ഥാനത്തെ ചൊല്ലിയുള്ള കോണ്ഗ്രസിലെ ഭിന്നത പരസ്യമാകുന്നു. പദവിയിലേക്ക് പരിഗണിച്ച ദീപ്തി മേരി വര്ഗീസിന്റെ പേര് വെട്ടിയതിനെ ചൊല്ലിയാണ് പൊട്ടിത്തെറി. വിഷയത്തില് കെപിസിസി നിര്ദേശം പാലിക്കപ്പെട്ടിട്ടില്ലെന്ന് ദീപ്തി മേരി വര്ഗീസ് പ്രതികരിച്ചു. കൊച്ചിയില് മാധ്യമങ്ങളോട് നടത്തിയ പ്രതികരണത്തിലാണ് ദീപ്തി നിലപാട് വ്യക്തമാക്കിയത്.
തെരഞ്ഞെടുപ്പ് നയിക്കാന് പാര്ട്ടി ആവശ്യപ്പെട്ടിരുന്നു. യുഡിഎഫിന് തന്നെ ഏല്പ്പിച്ച ഉത്തരവാദിത്തം വിജയകമായി പൂര്ത്തിയാക്കാന് സാധിച്ചെന്നാണ് കരുതുന്നത്. ജയിച്ചുവന്ന 46 കൗണ്സിലര്മാരോടൊപ്പമാണ് താന്. ഇപ്പോള് തീരുമാനിക്കപ്പെട്ട രണ്ട് മേയര്മാരോടും ചേര്ന്ന് പ്രവര്ത്തിക്കും. കെപിസിസി ജനറല് സെക്രട്ടറി എന്ന നിലയില് പ്രവര്ത്തനം തുടരും.
