തിരക്കുകളെല്ലാം മാറ്റിവച്ച് എല്ലാ തിരഞ്ഞെടുപ്പുകളിലും കൃത്യമായി വോട്ടുചെയ്യാനെത്തിയിരുന്ന മെഗാസ്റ്റാര് മമ്മൂട്ടിക്ക് ഇത്തവണ വോട്ടില്ല.
വോട്ടര്പട്ടികയില് ഇത്തവണ മമ്മൂട്ടിയുടെ പേര് ചേര്ത്തിട്ടില്ല. കൊച്ചി നഗരസഭ 44 ഡിവിഷനിലാണ് താരത്തിന്റെ വീട്.
കഴിഞ്ഞ ലോക്സഭ തിരഞ്ഞെടുപ്പില് പൊന്നുരുന്നി സ്കൂളില് മമ്മൂട്ടി വോട്ട് രേഖപ്പെടുത്തിയതിന്റെ ദൃശ്യങ്ങളും ചിത്രങ്ങളും പതിവുപോലെ വാര്ത്തകളില് നിറഞ്ഞിരുന്നു.
അതേസമയം കേന്ദ്രമന്ത്രിയും നടനുമായ സുരേഷ് ഗോപി അതിരാവിലെ തന്നെ വോട്ട് രേഖപ്പെടുത്തി. ശാസ്തമംഗലത്ത് ബൂത്ത് നമ്പര് മൂന്നിലാണ് സുരേഷ് ഗോപി വോട്ട് രേഖപ്പെടുത്തിയത്.
