കരൂര്: കരൂറില് ടിവികെ റാലിക്കിടെയുണ്ടായ ദുരന്തത്തില് മരണ സംഖ്യ 40 ആയി. കരൂര് സ്വദേശി കവിന്റെ മരണമാണ് ഒടുവില് സ്ഥിരീകരിച്ചത്.
തിക്കിലും തിരക്കിലുംപ്പെട്ട് പരിക്കേറ്റ കവിന് പ്രാഥമിക ചികിത്സയ്ക്കുശേഷം ഡിസ്ചാര്ജ് വാങ്ങി വീട്ടിലേക്ക് പോയിരുന്നു.
എന്നാല് പിന്നീട് നെഞ്ചുവേദന അനുഭവപ്പെടുകയും സ്വകാര്യ ആശുപത്രിയില് വെച്ച് മരിക്കുകയുമായിരുന്നുവെന്ന് കവിന്റെ പിതാവ് പറഞ്ഞു.
സ്വകാര്യ ബാങ്കിലെ മാനേജറാണ് 32കാരനായ കവിന്. ദുരന്തത്തില് മരിച്ച 39 പേരുടെ പോസ്റ്റുമോര്ട്ടം ഇതിനകം പൂര്ത്തിയാക്കി മൃതദേഹം ബന്ധുക്കള്ക്ക് കൈമാറി.
