ഫെയ്സ്ബുക്ക്, എക്സ്, ഇന്സ്റ്റഗ്രാം, യൂട്യൂബ് എന്നിവയുള്പ്പെടെ 26 സോഷ്യല് മീഡിയ പ്ലാറ്റ്ഫോമുകള്ക്ക് നിരോധനം ഏര്പ്പെടുത്തി നേപ്പാള് സര്ക്കാര്.
നേപ്പാളിലെ രജിസ്ട്രേഷന് നടപടികള് പൂര്ത്തിയാക്കുന്നതിനുള്ള സമയപരിധി പാലിക്കുന്നതില് പരാജയപ്പെട്ടതിനെ തുടര്ന്നാണ് കെ.പി. ശര്മ്മ ഒലി സര്ക്കാരിന്റെ നടപടി. 26 സോഷ്യല് മീഡിയ പ്ലാറ്റ്ഫോമുകൾക്ക് നിരോധനം ബാധകമാണ്.
സോഷ്യല് മീഡിയ പ്ലാറ്റ്ഫോമുകൾ രജിസ്റ്റര് ചെയ്യുന്നതിനായി ഓഗസ്റ്റ് 28- മുതൽ സർക്കാർ ഏഴ് ദിവസത്തെ സമയപരിധി നിശ്ചയിച്ച് നൽകിയിരുന്നു.
ബുധനാഴ്ച രാത്രി ഇതിനുള്ള അവസരം അവസാനിച്ചതോടെയാണ് നടപടി. വ്യാഴാഴ്ച നേപ്പാൾ വിവര സാങ്കേതിക മന്ത്രാലയം യോഗം നിരോധനം നടപ്പാക്കാന് തീരുമാനിക്കുകയായിരുന്നു.
