ഗുരുവായൂര് ക്ഷേത്രക്കുളത്തില് റീല്സ് ചിത്രീകരിച്ചതിന് റിയാലിറ്റി ഷോ താരം ജാസ്മിന് ജാഫറിനെതിരെ പരാതി. ഹൈക്കോടതി ഉത്തരവ് ലംഘിച്ച് വിഡിയോ ചിത്രീകരിച്ച് സമൂഹമാധ്യമങ്ങളില് പങ്കുവെച്ചെന്നാണ് ഗുരുവായൂര് ദേവസ്വം പൊലീസില് പരാതി നല്കിയിരിക്കുന്നത്.
മുന്ബിഗ്ബോസ് റിയാലിറ്റി ഷോ താരവും ഫാഷന് ഇന്ഫ്ലുവന്സറുമായ യുവതി ഇന്സ്റ്റാഗ്രാം അക്കൗണ്ട് വഴിയാണ് റീല്സ് പോസ്റ്റ് ചെയ്തിരിക്കുന്നത്. മൂന്ന് ദിവസം മുമ്പാണ് വിഡിയോ പോസ്റ്റ് ചെയ്തിട്ടുള്ളത്. ഗുരുവായൂര് ക്ഷേത്രത്തിന്റെ ഭാഗം എന്ന നിലക്ക് ക്ഷേത്രക്കുളത്തില് വിഡിയോ ചിത്രീകരണത്തിന് വിലക്കുണ്ട്. ക്ഷേത്രത്തിന്റെ ഭാഗമായ പവിത്രക്കുളത്തിൽ വീഡിയോ ചിത്രീകരണത്തിന് വിലക്കുണ്ട്.
അഹിന്ദുക്കൾക്ക് കുളത്തിലിറങ്ങാൻ അനുമതിയുമില്ല.അനുമതിയില്ലാതെ റീൽസ് ചിത്രീകരിച്ചതിനെതിരെ ദേവസ്വം അഡ്മിനിസ്ട്രേറ്ററാണ് പരാതി നൽകിയത്.
