ചേർത്തലയിലെ മൂന്ന് സ്ത്രീകളുടെ തിരോധാനത്തിൽ അന്വേഷണം ഊര്ജിതമാക്കി പൊലീസ്.
സംഭവത്തില് പ്രതിയായ സെബാസ്റ്റ്യന് കസ്റ്റഡിയിലുണ്ടെങ്കിലും ഇയാള് ചോദ്യം ചെയ്യലിനോട് സഹകരിക്കുന്നില്ലെന്നാണ് വിവരം. ഈ സാഹചര്യത്തിലാണ് കൊല്ലപ്പെട്ടു എന്ന് കരുതുന്ന സ്ത്രീകളുടെ ശരീരാവശിഷ്ടങ്ങള് കണ്ടെത്താനുള്ള ശ്രമങ്ങള് നടക്കുന്നത്.
ജെയ്നമ്മയെ സെബാസ്റ്റ്യന് കൊലപ്പെടുത്തിയതായി അയാളില് നിന്ന് തന്നെ സൂചനകള് ലഭിച്ചെങ്കിലും ബിന്ദു പത്മനാഭന്റെയും ഐഷയുടെയും തിരോധാനത്തില് ഇതുവരെ തുമ്പ് ലഭിച്ചിട്ടില്ല. സെബാസ്റ്റ്യന്റെ പള്ളിപ്പുറത്തെ വീട്ടില് രണ്ടുതവണ തിരച്ചില് നടത്തിയപ്പോളും കാണാതിരുന്ന ഒരു കിണര് നിലവില് മൂടിയ നിലയില് കണ്ടെത്തിയിട്ടുണ്ട്.
