കോട്ടയത്ത് വാടകവീടിന് തീപിടിച്ച് കോൺട്രാക്ടർ വെന്തുമരിച്ചു; ബൈക്കും കാറും സ്റ്റാർട്ടാക്കിയ നിലയിൽ.കോട്ടയം ഇറഞ്ഞാലിൽ വാടകവീടിന് തീപിടിച്ച് വീട് നിർമ്മാണ കോൺട്രാക്ടറായ തമിഴ്നാട് സ്വദേശി ശേഖർ (45) വെന്തുമരിച്ചു.വർഷങ്ങളായി റാന്നിയിൽ താമസിച്ചിരുന്ന ഇയാൾ, ഇന്നലെ രാത്രി 11.30 ഓടെയാണ് ദാരുണമായി മരണപ്പെട്ടത്.
വീടിന് തീപിടിച്ചത് ശ്രദ്ധയിൽപെട്ട നാട്ടുകാർ വിവരമറിയിച്ചതിനെ തുടർന്ന് പോലീസും ഫയർഫോഴ്‌സും സ്ഥലത്തെത്തിയാണ് ശേഖറെ പുറത്തെത്തിച്ചത്.
തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകട സമയത്ത് വീടിനു മുന്നിൽ നിർത്തിയിട്ടിരുന്ന അദ്ദേഹത്തിന്റെ ബൈക്കും സ്കോർപ്പിയോ കാറും സ്റ്റാർട്ടാക്കിയ നിലയിലായിരുന്നുവെന്നും വ്യക്തമായിട്ടുണ്ട്.
മദ്യപാനിയായ ശേഖറും ഭാര്യയും തമ്മിൽ സ്ഥിരമായി വഴക്കുണ്ടാകാറുള്ളതായും, ഇന്നലെ ഉച്ചയ്ക്കും വഴക്കുണ്ടായതിനെ തുടർന്ന് മാർത്താണ്ഡം സ്വദേശിനിയായ ഭാര്യ കുട്ടികളുമായി റാന്നിയിലുള്ള വസതിയിലേക്ക് പോയിരുന്നതായും നാട്ടുകാർ പറയുന്നു. തീപിടുത്തത്തിന് യഥാർത്ഥ കാരണം ഇതുവരെ വ്യക്തമായിട്ടില്ല. ആത്മഹത്യയാണന്നാണ് പ്രാഥമിക നിഗമനം.
