പാലാ ഈരാറ്റുപേട്ട റൂട്ടിലെ ചെത്തിമറ്റം കല്യ ഗ്രൂപ്പിന് മുമ്പിലെ വൈദ്യുതി പോസ്റ്റിൽ തീപിടിച്ചു. വാർഡ് കൗൺസിലർ ടോണി തൈപ്പറമ്പൻ തന്റെ രാവിലെയുള്ള നടത്തിനിടയിലാണ് തീ കത്തുന്നത് ശ്രദ്ധയിപ്പെട്ടത്.
ചെത്തിമറ്റം 12 വാർഡിൽ ഇന്നലെ വെള്ളപ്പൊക്ക ഭീഷണി ഉണ്ടായിരുന്നത് കൊണ്ട് അവിടെ ചെല്ലുകയും ഉടൻ ഫയർ ഫോഴ്സ്, കെഎസ്ഇബി, പോലീസ് സ്റ്റേഷൻ എന്നിവരെ അറിയിക്കുകയും ചെയ്തു .
അതിൽ പ്രകാരം കെഎസ്ഇബി ജീവനക്കാർ ഉടൻതന്നെ വൈദ്യുതി ഓഫാക്കി .ഉടൻതന്നെ ഫയർഫോഴ്സ് സ്ഥലത്തു എത്തുകയും വെള്ളം ഒഴിച്ച് ഇലക്ട്രിക് പോസ്റ്റിന്റെ തീ കെടുത്തി വൻ ദുരന്തം ഒഴിവാക്കി പിന്നീട് കെഎസ്ഇബിക്കാർ വന്ന് ഇലക്ട്രിക് പോസ്റ്റ് നന്നാക്കുകയും ചെയ്തു.
ഗുരുതരമായ ഒരു വിപത്തിൽ നിന്നാണ് നാട് രക്ഷപെട്ടത്.അടുത്തുള്ള വ്യാപാര സ്ഥാപനങ്ങളിലേക്ക് തീ പടർന്നിരുന്നെങ്കിൽ വൻ നാശനഷ്ടങ്ങൾ ഉണ്ടായിരുന്നേനെ.
