കലിയുഗവരദനും ആശ്രിതവത്സലനുമായ കടനാട് ശ്രീധർമ്മശാസ്താവിന്റെയും അഭീഷ്ട വരദായിനിയായ പുന്നിലത്തുകാവിലമ്മയുടെയും തിരുവുത്സവം 2026 മാർച്ച് 28 ശനി മുതൽ ഏപ്രിൽ 1 ബുധൻ വരെ (1201 മീനം 14 പൂയം മുതൽ 18 ഉത്രം വരെ) ക്ഷേത്രം തന്ത്രി മനയത്താറ്റ് ഇല്ലത്ത് ബ്രഹ്മശ്രീ ചന്ദ്രശേഖരൻ നമ്പൂതിരിയുടേയും മേൽശാന്തി ഇടമന ഇല്ലത്ത് ഗിരീഷ് നമ്പൂതിരിയുടേയും മുഖ്യകാർമ്മികത്വത്തിൽ ക്ഷേത്രാചാരാനുഷ്ടാനങ്ങൾക്കും ക്ഷേത്ര കലകൾക്കും പ്രാധാന്യം നൽകികൊണ്ട് ആഘോഷിക്കുകയാണ്.
ക്ഷേത്രവികസനത്തിനും പുരോഗതിക്കും ഉത്സവാദികാര്യങ്ങൾക്കും അതുവഴി നാടിന്റെ സർവ്വതോന്മുഖമായ ഐശ്വര്യത്തിനും മുൻവർഷങ്ങളിൽ സഹകരിച്ച എല്ലാ സദ്ജ്ജനങ്ങൾക്കും നന്ദി അറിയിച്ചുകൊണ്ട് ഈ വർഷത്തെ തിരുവുത്സവത്തിനും പുനരുദ്ധാരണപ്രവർത്തനങ്ങൾക്കും നിങ്ങൾ ഏവരുടേയും എല്ലാവിധ സാന്നിദ്ധ്യ സഹായ സഹകരണങ്ങളും ഉണ്ടാകണമെന്ന് ഭഗവത് നാമത്തിൽ അഭ്യർത്ഥിക്കുന്നു.
പ്രസിഡന്റ്
ശൈലേന്ദ്രവർമ്മ, വടക്കേകോയിക്കൽ
9496321093
ദേവസ്വം ഓഫീസ്, ഫോൺ – 9895419923
എന്ന്, സെക്രട്ടറി
നന്ദകുമാർ തമ്പി, ഗോകുലം
കൺവീനർ ഹരിദാസ്, കറ്റിയാങ്കൽ
7306896015
9497088921
ക്ഷേത്രത്തിന്റെ ബാങ്ക് അക്കൗണ്ട് വിവരങ്ങൾ
ശ്രീധർമ്മശാസ്താ ക്ഷേത്രം കടനാട് കേരളഗ്രാമീൺ ബാങ്ക്, കടനാട്
A/c. No.: 40618101066465
IFSC Code: KLGB0040618
ശ്രീധർമ്മശാസ്താവിന്റെ പ്രതിഷ്ഠയെക്കുറിച്ചുള്ള ഐതിഹ്വം
വർഷങ്ങൾക്ക് മുമ്പ് വടക്കുംകൂർ രാജ്യം ഭരിച്ചിരുന്ന ഒരു രാജാവ് എല്ലാ വർഷവും മകരവിളക്കിന് ശബരിമലയ്ക്ക് പോകാറുണ്ടായിരുന്നു. പ്രായാധിക്യത്തിൽ അവശനായ രാജാവ് ശ്രീകോവിലിന് മുമ്പിൽ നിന്ന് പ്രാർത്ഥിച്ചു. ഭഗവാനെ അടുത്ത വർഷം മുതൽ ഞാൻ എങ്ങനെ ഇവിടെയെത്തും. അന്നു രാത്രി അദ്ദേഹത്തിന് അയ്യപ്പസ്വാമി വന്നു പറയുന്നതായി ഒരു സ്വപ്ന ദർശനമുണ്ടായി.
ഒന്നുകൊണ്ടും വിഷമിയ്ക്കുണ്ട്. കൊട്ടാരത്തിന് അടുത്തുള്ള നദിയിൽ ഒരു പാറകെട്ട് ഉണ്ട്. അതിനോട് ചേർന്നു ഒരു ബിംബമുണ്ട്. ആ ബിംബമെടുത്ത് ജലാശയത്തിന് പടിഞ്ഞാറ് മാറി നോക്കിയാൽ കാണുന്ന അകലത്തിൽ പ്രതിഷ്ഠിച്ചുകൊള്ളുക. എന്റെ സാന്നിദ്ധ്യം അവിടെ ഉണ്ടാകും. അങ്ങനെ നാട്ടിൽ തിരിച്ചെത്തിയ രാജാവ് ജലത്തിൽ ഇറങ്ങി നോക്കുമ്പോൾ ബിംബം ലഭിച്ചു. പറഞ്ഞതുപോലെ പ്രതിഷ്ഠിക്കുകയും ചെയ്തു.
ശബരിമലയിലെ ആചാരാനുഷ്ഠാനങ്ങൾ അനുസരിച്ചുള്ള നിവേദ്യങ്ങൾ ഇവിടെയും നടത്തിവരുന്നു. മീനമാസത്തിലെ ഉത്രം നാളിൽ അവസാനിക്കുന്ന രീതിയിൽ തിരുവുത്സവവും നടത്തിവരുന്നു.
