പാലാ: ബിവിഎം ഹോളിക്രോസ് കോളേജ് ചേർപ്പുങ്കലും ബി എം ടിവിയും ചേർന്ന് സംഘടിപ്പിക്കുന്ന ക്രിസ്മസ് രാവ് 2025 കരോൾ മത്സരം, പാപ്പാ മത്സരം എന്നിവയിലേക്കുള്ള രജിസ്ട്രേഷൻ ആരംഭിച്ചിരിക്കുന്നു. കരോൾ മത്സരത്തിൽ ഒന്നാം സമ്മാനം 10000 രൂപയും രണ്ടാം സമ്മാനം 7500 രൂപയും മൂന്നാം സമ്മാനം 5000 രൂപയും ലഭിക്കും. കുട്ടി ക്രിസ്മസ് പാപ്പാ മത്സരത്തിൽ ഒന്നാം സമ്മാനം 2000 രൂപയും, രണ്ടാം സമ്മാനം 1500 രൂപയും മൂന്നാം സമ്മാനം 1000 രൂപയും ലഭിക്കും. കൂടാതെ പങ്കെടുക്കുന്ന എല്ലാ മത്സരാർത്ഥികൾക്കും പ്രോത്സാഹന സമ്മാനങ്ങളും നൽകുന്നു. ഡിസംബർ 4 ന് ആണ് മത്സരം നടക്കുക. ഡിസംബർ 4 ഉച്ചയ്ക്ക് 12 മണി വരെ രജിസ്ട്രേഷൻ സ്വീകരിക്കും. സ്ഥലം പ്രായം പരിധികളില്ലാതെ എവിടെനിന്നുള്ളവർക്കും പങ്കെടുക്കാം. മത്സരത്തിന്റെ നിയമാവലി താഴെ കൊടുക്കുന്നു.
നിങ്ങളുടെ ഇഷ്ട വിഭാഗം തിരഞ്ഞെടുത്ത് രജിസ്റ്റർ ചെയ്യൂ 👇
Registration Link:
https://forms.gle/9upRxRWuosmuYFAW7
കൂടുതൽ വിവരങ്ങൾക്ക് ഫോൺ: 7012701800
കരോൾ ഗാന മത്സരം – നിബന്ധനകൾ
ക്രിസ്തുമസ് / കരോൾ ഗാനങ്ങൾ മാത്രമേ അനുവദിക്കുകയുള്ളു. പാരഡി ഗാനങ്ങൾ അനുവദിക്കുന്നതല്ല. മലയാളം / ഇംഗ്ലീഷ് ഗാനങ്ങൾ ആലപിക്കാവുന്നതാണ്. ചെയിൻ സോങ് അനുവദനീയമല്ല. ഒരു ടീമിന് രണ്ട് ഗാനങ്ങൾ ആലപിക്കാവുന്നതാണ്.
കരോക്കെ നിർബന്ധമായും ഉപയോഗിക്കേണ്ടതാണ്. കരോക്കെയിൽ കോറസ്, ഹമ്മിംഗ് എന്നിവ ഇല്ലായെന്ന് ഉറപ്പു വരുത്തണം. കരോക്കെ ഡിസംബർ 4 ന് 4 പി എം ന് മുമ്പായി വാട്സപ്പിലോ നേരിട്ടോ നൽകേണ്ടതാണ്. നമ്പർ ; 7012701800
ഒരു ടീമിൽ 7 മുതൽ 15 വരെ അംഗങ്ങൾക്ക് പങ്കെടുക്കാം. ഇതിൽ മിനിമം 7 പേർ ഗായകരായിരിക്കണം. മത്സരാർത്ഥികൾ ഒന്നിലധികം ടീമുകളിൽ പങ്കെടുക്കാൻ പാടുള്ളതല്ല.
ഒരു ടീമിന് അനുവദിക്കുന്ന പരമാവധി സമയം സ്റ്റേജ് അറേഞ്ച്മെന്റ്സ് ഉൾപ്പെടെ 7 മുതൽ 13 മിനിറ്റ് ആയിരിക്കും.
സ്റ്റേജിൽ 8 മൈക്കുകൾ നൽകുന്നതായിരിക്കും. മത്സരാർത്ഥികൾക്ക് ആവശ്യമെങ്കിൽ മൈക്ക് സ്റ്റാൻഡിൽ നിന്നും കയ്യിലെടുക്കാവുന്നതാണ്.
വിധി നിർണയത്തിന് ആകെ 100 മാർക്കിൽ 70 മാർക്ക് സംഗീതത്തിനും 20 മാർക്ക് സ്റ്റേജ് അപ്പിയറൻസ്, 10 മാർക്ക് സ്റ്റേജ് ഡിസിപ്ലിൻ, മാനുവൽ പ്ലേയിംഗ്, യൂണിഫോം എന്നിവക്കും പരിഗണിക്കുന്നതാണ്.
സംശയങ്ങൾക്കും പരാതികൾക്കും ഒഫീഷ്യൽസിനെ മാത്രം സമീപിക്കുക. നിബന്ധനകൾ പാലിക്കാത്ത ടീമുകൾ അയോഗ്യരായിരിക്കും.
പരിപാടിയുടെ പൂർണ നിയന്ത്രണവും സംഘാടകരുടേതായിരിക്കും, വിധികർത്താക്കളുടെ തീരുമാനം അന്തിമമായിരിക്കും.
ക്രിസ്മസ് പാപ്പാ മത്സരം – നിബന്ധനകൾ
മത്സരാർത്ഥികളുടെ പ്രായപരിധി 7 വയസ്സ് മുതൽ 12 വയസ്സ് വരെയാണ്
ക്രിസ്മസ് കരോളോ, ക്രിസ്മസുമായി ബന്ധപ്പെട്ട കവിതയോ ഡാൻസോ അവതരിപ്പിക്കണം
ഓരോ മത്സരാർത്ഥിക്കും 3 മിനിറ്റ് മുതൽ 5 മിനിറ്റ് സമയം ലഭിക്കും
അവതരണവും കോസ്റ്റ്യൂമും പെർഫോമൻസും പരിഗണിച്ചാവും മാർക്കിടുക
പരിപാടിയുടെ പൂർണ നിയന്ത്രണവും സംഘാടകരുടേതായിരിക്കും, വിധികർത്താക്കളുടെ തീരുമാനം അന്തിമമായിരിക്കും.
