പാലാ : പാലാ രൂപത യുവജനപ്രസ്ഥാനം എസ്എംവൈഎം – കെസിവൈഎം പാലാ രൂപതയുടെ അഭിമുഖ്യത്തിൽ നടത്തപ്പെട്ട എപ്പാർക്കിയൽ യൂത്ത് അസംബ്ലി സമാപിച്ചു. ഓഗസ്റ്റ് 31, സെപ്റ്റംബർ 1,2 തിയതികളിലായി പാലാ അൽഫോൻസിയൻ പാസ്റ്ററൽ ഇൻസ്റ്റിറ്റ്യൂട്ടിൽ വച്ച് നടത്തപ്പെട്ട എപ്പാർക്കിയൽ യൂത്ത് അസംബ്ലിയിൽ, യുവജനങ്ങൾ നേരിടുന്ന പ്രശ്നങ്ങൾ വിശദമായി ചർച്ച ചെയ്യപ്പെടുകയും പരിഹാരമാർഗങ്ങൾ നിർദ്ദേശിക്കപ്പെടുകയും ചെയ്തു. സഭ, സംഘടന, രാഷ്ട്രീയം, സംരഭകത്വം, കുടുംബം, സാങ്കേതികവിദ്യ എന്നീ വിഷയങ്ങൾ വിശദമായി ചർച്ച ചെയ്യപ്പെട്ടു. ഇരുപത് ഫൊറോനകളിൽ നിന്നായി നൂറ്റിഅമ്പതിൽ പരം യുവജനങ്ങൾ പങ്കെടുത്തു.
അവസാന ദിനമായ ചൊവ്വാഴ്ച്ച നടന്ന വിവിധ സെക്ഷനുകളിൽ, പാലാ രൂപത വികാരി ജനറാൾമാരായ റവ.ഫാ. സെബാസ്റ്റ്യൻ വേത്താനത്ത്, റവ. ഫാ. ജോസഫ് കണിയോടിക്കൽ, നീതൂസ് അക്കാഡമി മാനേജിങ് ഡയറക്ടർ നീതു ബോബൻ എന്നിവർ യുവജനങ്ങളുമായി സംവദിച്ചു.
രൂപത ഡയറക്ടർ ഫാ. മാണി കൊഴുപ്പൻകുറ്റി, പ്രസിഡന്റ് അൻവിൻ സോണി ഓടച്ചുവട്ടിൽ, ജനറൽ സെക്രട്ടറി റോബിൻ റ്റി. ജോസ് താന്നിമല, സി. നവീന സിഎംസി , ജോസഫ് വടക്കേൽ, ബെനിസൺ സണ്ണി, എഡ്വിൻ ജെയ്സ് എന്നിവർ നേതൃത്വം നൽകി.
