തിരുവനന്തപുരം: കേരളത്തിലെ പ്രധാന സര്ക്കാര് ആശുപത്രികളിലെല്ലാം ( താലൂക്, താലൂക് ഹെഡ് ക്വാര്ട്ടേഴ്സ്, ജില്ലാ , ജനറല് ആശുപത്രികള്, സ്പെഷ്യാലിറ്റി ആശുപത്രികള്, മെഡിക്കല് കോളജുകള് ) മുതിര്ന്ന പൗരന്മാര്ക്കായി പ്രത്യേക ഒപി കൗണ്ടര് സെപ്റ്റംബര് ഒന്ന് മുതല് ആരംഭിക്കുമെന്ന് ആരോഗ്യമന്ത്രി വീണാ ജോര്ജ്.
സംസ്ഥാനത്തെ മിക്കവാറും എല്ലാ പ്രധാന ആശുപത്രികളിലും ഏപ്രില് മാസം മുതല് ഓണ്ലൈന് ഒപി രജിസ്ട്രേഷന് ആരംഭിച്ചിരുന്നു.
ആശുപത്രിയില് എത്തിയതിന് ശേഷം ക്യൂ നില്ക്കാതെ അപ്പോയ്ന്റ്മെന്റ് എടുക്കുന്നതിന് ക്യൂആര് കോഡ് സ്കാന് ചെയ്തു കൊണ്ടുള്ള സൗകര്യവും നടപ്പിലാക്കി തുടങ്ങി.
