ചെന്നൈ: തന്റെ വിജയം പ്രവചിച്ച ജ്യോതിഷി റിക്കി രാധര് പണ്ഡിറ്റിനെ സര്ക്കാര് സര്വ്വീസില് നിയമിച്ചുകൊണ്ടുള്ള ഉത്തരവ് റദ്ദാക്കി ടിവികെ. മുഖ്യമന്ത്രിയുടെ ഓഫീസില് സ്പെഷല് ഡ്യൂട്ടി ഓഫീസറായിട്ടായിരുന്നു രാധന് പണ്ഡിറ്റിനെ ചൊവ്വാഴ്ച നിയമിച്ചത്. നടപടിക്കെതിരെ വിമര്ശനം വ്യാപകമായതോടെയാണ് പിന്നോട്ട് പോക്ക്.
നിയമന നടപടിക്കെതിരെ മദ്രാസ് ഹൈക്കോടതിയില് അഭിഭാഷകനായ കൃഷ്ണമൂര്ത്തി ഹര്ജി സമര്പ്പിക്കുകയുണ്ടായി. റിക്കി രാധര് പണ്ഡിറ്റ് വെട്രിവേലിനെ വിജയ് നിയമ വിരുദ്ധമായി നിയമിക്കുകയായിരുന്നു എന്നാണ് അഭിഭാഷകന് ചൂണ്ടിക്കാട്ടിയത്.
ദീര്ഘകാലമായി തന്റെ വ്യക്തിഗത ജ്യോതിഷിയായി ഉപദേശങ്ങളും നിര്ദേശങ്ങളും നല്കിയ റിക്കി രാധര് പണ്ഡിറ്റ് വെട്രിവേലിനെയാണ് വിജയ് തന്റെ സ്പെഷ്യല് ഡ്യൂട്ടി ഓഫീസറായി നിയമിച്ചത്.
